أحسن طريقة لتحضير المحمصة التونسية موزوز و يدفي جربوه و ادعيولي بالخير
المكونات :
بصلة كبيرة - 6 سنون ثوم - كاس زيت - مغرفة كبيرة طماطم معجونة - مغرفة هريسة عربي-افاحات مغرفة : ملح فلفل اكحل كركم تابل و كروية فلفل احمر - دبابش الي تحبو عليهم حمص جلبانة فول اخضر فول مصري عدس .. الي تحبو - كلافس - معدنوس -كاس كبير محمصة و اللحم الي تحيو عليه دجاج , علوش , بقري و قرن فلفل اخضر .
طريقة التحضير :
ناخذو كاس زيت و نصبو عليه البصل و الثوم نحليوهم يتقلاو بعد نزيدو الطماطم الحكة و الهريسة العربي نخليوهم يتقلاو شوية بعد نزيدوهم الافاحات و اللحم و الدبابش الي تحبو عليهم نخلطو الكل مع بعضو و بعد نمرقو بالماء السخون وقت اللحم قريب يطيب نحطو المحمصة و في الاخر نزيدو المعدنوس و الكلافس و الفلفل و صحة و بالشفاء