طريقة تحضير دجاجة روتي ناجحة وتجي طرية جربوها واتفكروني djeja roti
المرحله الاولى 🐔
تاخو دجاجتك تغسلها مليح بالماء البارد
_المرحله الثانيه 🐔
تاخو صحفة صغيرة تحط فاها مغرفتين خل وتعصر علاها قارص وتقعد تحكها الكل بش تننحى الزفوريه
_المرحله الثالثه 🐔
نحضرو خليط الافاح => صحفة تحط فيها زيت ملح و كركم إكليل أخضر اعواد زعتر و فلفل أكحل رأس ثوم مرحي كعبة ياغورت طبيعي(الياغورت يخليها تجي طرية) تاخو الدجاجة تنقلها بل cure dent وادهنها مليح بالخليط ودخل حتى تحت الجلده وفي الوسط عباها بالكليل الأخضر. تسكرلها ايديها وساقيها بخيط وتخليها ليله كامله بش تشرب الافاح متاعها (ديما فوحوها قبل بنهار تجيكم توب)
_المرحله الرابعه 🐔
تاخو ساشي الطبخ تحط الدجاجة وتصب معاها بقية الافاح الي هبط منها وتقص معاها طرف زبده و ورقتين رند و تنجم تقص روندالات بصل زاده يبنن. تُنفخ الساشي وتسكرها مليح تنقبها نقبتين وتحطها في بيراكس فيه ماء وكليل شويه زيت وخلاها اطيب سلة سلة بش تاخو حقها وتجيكم كيما متع الشارع. وكيف اطيب نخرجها من sac و بمغرفة هز مالماء الي طايب فيها وسقيها بيه ادهنها بشوي زبده و رجعها تحمار😋
جربوها تو تشوفو كيفاش تجيكم طريه وادعيولي دعيوة خير